Nëse nuk mund ta thuash të vërtetën, mos i duartrokit të keqes!
Nëse nuk ke asnjë kundërshtar a ziliqar, atëherë ti je dështak!
Mos e adhuro Allahun që të të jep, adhuroje që ta bësh të kënaqur, sepse, nëse e arrin kënaqësinë e Tij, begatitë e Tij ndaj teje do të jenë pafund!
Nëse e sheh një të varfër në vendet islame, dije se ekziston një i pasur që ka vjedhur pasurinë e tij.
Nëse ai që ka baba ndihet i sigurt, si të mos ndihet besimtari që ka Allahun?!
Mos ke frikë nga planet e njerëzve sepse e tëra që mund të bëjnë është të zbatojnë një vullnet të Allahut!
Nëse të brengos çështja e tjetrit, dije se ke personalitet të fortë.
Nëse tek tjetri sheh bukuri, dije se bukuria gjendet edhe brenda teje.
Nëse kujdesesh për ruajtjen e vëllazërisë, atëherë dije se ti në minderet e nurit ke shok.
Nëse kujdesesh për mirën e tjetrit, dije se ti je mik i moralit të përmbushjes së premtimit.
Kush kërkon shok pa të meta, jeton i vetëm.
Kush kërkon grua të përkryer, mbetet beqar tërë jetën.
Kush kërkon të dashur pa probleme, vazhdon të kërkojë gjatë gjithë jetës.
Kush kërkon të afër të përkryer, jeton vet si i mangët.
Gojën tënde –në raport me njerëzit- mos e përdor vetëm se për dy gjëra: për të heshtur dhe për të buzëqeshur; me buzëqeshja për t’i zgjidhur problemet ndërsa me heshtje për t’iu shmangur atyre.





