Hoxhë Sedat Islami

Buhariu transmeton në Edebu-l-Mufred se Ebu Derda ka thënë:

Më ka porositur i Dërguari i All-llahut [Lavdërimi dhe paqja qofshin mbi të] me nëntë gjëra:

Mos i përshkruaj Zotit shok, edhe nëse digjesh e masakrohesh
Mos e braktis qëllimshëm namazin e obliguar, sepse kush e braktis atë qëllimshëm e ka humbur besën dhe mbrojtjen e All-llahut
Mos e pi alkoolin sepse ai është çelësi çdo të keqeje
Respektoji prindërit dhe, edhe po të urdhëruan të dalësh nga dynjaja jote (tua japësh pasurinë) tënde, atëherë dil (bëje këtë) për ta,
Mos u ngatërro me pushtetarët, edhe nëse sheh se ti ke të drejtë,
Mos ik nga fushëbeteja, edhe nëse vritesh dhe të ikin bashkëluftëtarët,
Shpenzo nga pasuria jote për familjen
Mos e largo shkopin (për edukim) nga familja jote, dhe
Frikësoji ata për (tërhiqua vërejtjen dhe këshilloji që të mos e kundërshtojnë) All-llahun e Madhëruar.

[ Albani konsideron se ky hadith është hasen. Hadithin e transmeton edhe Imam Ahmedi nga Muadhi [radijAll-llahu anhu], por, siç thotë Shuajb Arnauti (36/393-394), hadithi ka varg të dobët transmetuesish. ]