Biografia Artikuj Media Libraria Dosje Problematika bashkëkohore Opinione dhe reagime Studime dhe hulumtime Kontakt
A NUK DO UDHËZIM?

(Bisedë e zhvilluar në mes një muslimani të udhëzuar dhe tjetrit të devijuar)
 
Vëlla, a nuk do udhëzim?
 
Besimtari: Pashë Allahun! A mendon se rruga fetare është e gabuar ndërsa kjo në të cilën je ti është e qëlluar? Mu përgjigj nga zemra?
 
Mëkatari: Nga zemra do të përgjigjem. Për Zotin, unë me gjithë zemër e di se rruga e fesë është e qëlluar dhe kjo e imja e gabuar.
 
Besimtari: A ka ndonjë të mençur në botë që lëshon rrugën e vërtetë për të trasuar një rrugë të gabuar?
Mëkatari: Jo.
 
Besimtari: Kështu është! Ti je i pa mençur.
 
Mëkatari: Si, unë i pa mençur, si thua kështu? Unë do të rrëfej se përse nuk trasova rrugën fetare.
 
Besimtari: Përse?
 
Mëkatari: Është rrugë e qëlluar por e vështirë ndërsa rruga që trasoj unë, edhe pse e gabuar, është e lehtë. 
 
Besimtari: Jam me ty, por ti rrugën e vështirë e braktise për një më të lehtë apo më të vështirë?
 
Mëkatari: Për një më të lehtë, kuptohet.
 
Besimtari: Jo gabim e ke. Ti e lëshove rrugën e vështirë për të trasuar rrugën e fatkeqësisë, vështirësisë, shkatërrimit, humbjes në këtë dhe botën tjetër.
 
Mëkatari: Si mendon kështu?
 
Besimtari: A nuk është largimi i shikimit nga gjërat e ndaluara (filma dhe fotot erotike) vështirë?
 
Mëkatari: Po.
 
Besimtari: Kur nuk përfillë uljen e shikimit dhe shikove në gjëra të ndaluara, gjë që e hidhëron Allahun e Madhëruar, ti, praktikisht, re në një gjë edhe më të vështirë.
 
Mëkatari: E ç’është kjo edhe më e vështirë?
 
Besimtari: Që Allahu i Madhëruar të t’i mbush sytë tu prush të zjarrit të Xhehennemit andaj ke kujdes!
Cila është më e lehtë? Të durosh pak e ta ulësh shikimin apo Allahu i Madhëruar të t’i mbush sytë tu gaca.
Heshti…
 
Mëkatari: Po.
Besimtari: Kur të dëgjosh këngët, ti bie në më të vështirën. Ai që dëgjon ndonjë këngëtar a këngëtare, në Ditën e Kiametit veshët do t’i mbushen me plumb të shkrirë. Cila është më e lehtë?
 
Mëkatari: Jo, për Zotin, kjo e fundit është shumë më e vështirë.
 
Besimtari: Të ngrihesh për faljen e namazit të sabahut është vështirë?
 
Mëkatari: Po.
 
Besimtari: A është më vështirë kjo apo zhytja e kokës tënde në zjarre të Xhehennemit?
 
Mëkatari: Jo, më vështirë është kjo e fundit.
 
Besimtari: Atëherë ti e paske lënë të vështirën për diç edhe më të vështirë. Rruga e mbajtjes për parimeve fetare është e vështirë por të shpie në Xhennet.
 
Përse ti kur shkon në shkollë a universitet je shumë i kujdesshëm; ngrihesh me kohë, kryen detyrat, përgatit provimet, ndien frikë e ankth, edhe pse këto gjëra janë të vështira?! Përse?
 
Përse njerëzit durojnë vështirësitë e studimit?
 
Mëkatari: Për shkak të sigurimit të ardhmërisë.
 
Besimtari: Përse durojmë në rrugën e mbajtjes për parimeve fetare: për shkak të sigurimit 60 vjeçar, punës, shtëpisë, e pastaj varrit?
 
Mëkatari: Jo, jo, ajo bëhet për sigurim jetësor, të përhershëm, sigurim të Xhennetit, gjerësia e të cilit është sa toka dhe qiejt. Ne sigurojmë ardhmërinë tonë në këtë dhe botën tjetër me këtë mbajtje për parimeve islame.
 
Besimtari: Vëlla i dashur! A e di se fatkeqësi është ta lëshosh rrugën e udhëzimit dhe të pasosh rrugë tjetër, kënaqësitë dhe dëfrimet e së cilës të mashtrojnë për të përfunduar tek muret e vdekjes dhe të dëgjosh:
“حتى إذا جاء أحدهم الموت قال رب ارجعون لعلي أعمل صالحًا فيما تركت
E kur ndonjërit prej tyre i vjen vdekja, ai thotë: "O Zoti im, më kthe, 100. Që të bëj vepra të mira e ta kompensoj atë që lëshova!”. El Mu’minune, 99-100.
 
Por, kjo është vetëm një shans. Më kthim nuk ka. Përkujtoje këtë ngase unë me të do të jem dëshmitar kundër teje në Ditën e Kiametit. Thotë Allahu i Madhëruar:
“كلا إنها كلمة هو قائلها ومن ورائهم برزخ إلى يوم يبعثون
Kurrsesi, (kthim nuk ka) e kjo është vetëm fjalë që e thotë ai, e ata kanë para tyre një perde (distancë periodike) deri në ditën kur ringjallen”. El Mu’minune, 100.
 
Të mbash rrugën fetare është vështirë por është jetë, lumturi, qetësi shpirtërore, Xhennet i zemrës…Thotë Allahu i Madhëruar:
“يا أيها الذين آمنوا استجيبوا لله وللرسول إذا دعاكم لما يحييكم
O ju që besuat, përgjigjjuni (thirrjes së) All-llahut dhe të të dërguarit kur ai (i dërguari) ju fton për atë që ju jep jetë...”. El Enfale, 24.
 
O njeri që ke mend dhe intelekt! Deri kur do të vazhdosh zhytjen në kënaqësi dhe pakujdesinë ndaj fundit (vdekjes)? A nuk do të kthehesh tek Allahu i Madhëruar? A mos vallë ke ndonjë ferman prej Tij që nuk do të vdesësh pa u penduar? Për Zotin, a gjetën mëkatarët kënaqësi në mëkatet e tyre?
Jo, pasha Atë që krijoi thelbin dhe ndërtoi qiellin pa shtylla të dukshme, ata janë të zhytur në brenga dhe pikëllime, saqë njëri prej tyre (re)citonte:
 
Iu shfaq njerëzve zemërgjerësi
Aq sa dëshirojnë të jenë në rrobat e mia
Por sikur ta dinin se unë jam i dëshpëruar, pikëlluar
Dhe se gjerësia në sytë e mi më është ngushtuar
 
Që të fillosh në rrugën e fesë, bëhu i sinqertë me Allahun e Madhëruar!
Që të vazhdosh në këtë rrugë, bëhu i sinqertë me Allahun e Madhëruar!
Që të arrish në rrugën e Xhennetit, bëhu i sinqertë me Allahun e Madhëruar!
 
O ti që kërkon dashurinë e Allahut të Madhëruar! Dije se ajo është në dashurinë e njerëzve të mirë (andaj shoqëroji ata dhe bëhu një prej tyre), ngase Allahu i Madhëruar, në një hadith kudsijj, thotë:
“حقت محبتي للمتحابين في
Dashuria Ime për ata që duhen për hire Timin, do të realizohet”[1].
 
Kjo është stoli në ditë të mira, pajisje në ditë të vështira dhe, ditën kur ndahen njerëzit nga prindërit e shokët, ata janë bashkë dhe të pandarë. Thotë Allahu i Madhëruar:
“الأخلاء يومئذ بعضهم لبعض عدو إلا المتقين
Atë ditë shokët e ngushtë do të jenë armiq të njëri-tjetrit, përveç atyre që ishin të sinqertë në miqësi”. Ez Zuhfurf, 67.
 
Burimi: http://www.twbh.com/articles.php?ID=4931
Përshtati në shqip: Sedat Islami
 
[1] Albani këtë hadithi në Sahihu’l xhamii, 4320, e ka cilësuar autentik.


VIDEOS / YOUTUBE
Ajeti prezantues i Kuranit Tipare te Kuranit Agjerimi me perket Mua Rrefimet me te bukura
AUDIO / FOTO

Biografia Artikuj Media Libraria Dosje Problematika
bashkëkohore
Opinione dhe
reagime
Studime dhe
hulumtime
Kontakt
  Akide Video Libra Ramazani   Opinione Fetare  
  Islam Audio Recensione librash Haxhi   Reagime Shkencore  
  Tefsir Foto            
  Hadith              
  Dave              
  Histori islame              
  Orientalizem              
  Kulture dhe civilizim              
  Avancim personal              
  Hutbe              
  Tregime              

Të gjitha të drejtat e rezervuara - 2013