I mërzitur, shikoj përreth
Njerëzit që kokën ma hanë
Në plan çfarë do të kesh
Të flasësh për Isranë
T’iu them se natë e madhe është
A këtë mendoni se në plan e kam
Jo, zemra ime digjet prush
Dert tjetër unë kam
Rrëfimin nuk e mohoj, e dua
Tekstin me qejf e lexoj
Por mua më dhemb diku tjetër
Që vendi vend s’më zënë
Iu them njerëzve se atje ishte profeti
Atje të gjithë profetët takoi
Atje fali namazin
Xhaminë Kuds të shenjtë e cilësoi
Kurse sot shoh muslimanët
tek përgënjeshtrojnë Isranë
ani pse për festim kanë vendosur
të hanë hallve me kazan
Ej, o ju muslimanë të mjerë,
o ju llafazanë
Aksaja vuan shumë
Nuk ka çfarë të feston
Atje ku shkeli këmba profetike
Atje ku Xhibrili e dërgoi
Atje ku fali namazin
Ku pejgamberët, vëllezërit e tij, takoi
Atje sot era nuk vie qumësht
Siç në rrëfime tregoni
Atje sot kundërmon erë gjaku
A fare nuk mendoni
Atje ka mungesë buke
Ka edhe mjerime
Por më keq se gjithë kjo
Ka mungesë vëllazërie
Atje nën rrënoja e gërmadha
nën plumba e granata
Vlerat e Israsë dhe Miraxhit
Mbesin të gjalla
Zoti qoftë me ju
Zoti iu ndihmoftë
Kurse neve me zemra të vdekura
Zoti na udhëzoftë
