Një perëndimor dikur kishte thënë: “Nëse nuk mund të buzëqeshësh, mos hap dyqan.”
Domethënia e kësaj është se buzëqeshja është nga mjetet më tërheqëse të myshterinjve.
Kjo vërtetë nuk do shpjegim. Buzëqeshja është çelës i zemrave. Sa njeriu të do vetëm për shkak të buzëqeshjes sate, edhe nëse nuk të ka njohur më parë.
Besimtari është më parësor se çdokush tjetër që të pajiset me këtë moral. Është moral i profetit tonë të dashur, Muhammedit [alejhis salatu ves selam]. Xherir el-Bexhelijj, ky burrë i madh nga Sahabet, thotë: “Nuk ka ndodhë të më ketë parë i Dërguari [alejhis salatu ves selam] e të mos më ketë buzëqeshur në fytyrë!” (Transmeton Buhariu.)
Një thirrës duhet ta përdorë më shumë armën e buzëqeshjes që të robëron zemrat e njerëzve, për shkak se nëse njerëzit e duan, do t’i duan edhe fjalët e tij dhe për pasojë do ta pasojnë atë dhe do të veprojnë sipas këshillave të tij.
Sa bukur ka thënë një njeri: “Buzëqeshja të kushton më lirë se energjia elektrike edhe pse ndriçon më shumë se ajo.”
Përshtati: Sedat ISLAMI
