Prindërit nuk do të duhej të prisnin sistemin arsimor edukativ për të edukuar fëmijët e tyre. Ata duhet individualisht të bartin përgjegjësitë për edukimin e tyre. Kjo është porosia që Dr. Abdul Kerim Bekkari e lëshon në adresë të të gjithë prindërve. Dr. Muhammed Ratib thotë: Nuk ka çështje që duhet kushtuar rëndësi sikur edukimit të fëmijëve.
Për të patur sukses në edukimin e fëmijëve, atëherë edukimi i tyre duhet të jetë projekti yt më i rëndësishëm.
Kështu, nëse veç duam t’i edukojmë, atëherë duhet të nxitojmë për të aplikuar disa rregulla familjare, të cilat do të kishin fuqinë dhe peshën e një edukimi të mirëfilltë. Në vijim do të prezantojmë disa prej këtyre rregullave, prej të cilave mund të përzgjidhni atë që iu duhet. Apo, ato mund të jenë një bazë e mirë për të përpiluar një kartë rregullash familjare.
- Falja e namazit në kohën e vet.
- Shprehjet “Më fal”, “Të lutem!” janë shprehje që nuk zëvendësohen me asgjë.
- Rrahja, mallkimi, sharja nuk guxojnë të jenë evidente në familje.
- Shpreh ndjenjat me edukatë dhe qartësi.
- Mbylli ato që ke lënë hapur (derën, dritaren), ngrite atë që e ke rrëzuar si dhe rregulloje vendin ku je ulur.
- Dhoma jote është përgjegjësia jote.
- Dëgjo kur flasin të tjerët dhe mos ua ndërpre të folurit.
- Përshëndete familjen me selam kur të hysh dhe të dalësh nga shtëpia.
- Bëje shprehi të lexosh një pjesë të caktuar nga Kur’ani çdo ditë.
- Mysafirët i përmbahen rregullave tona.
- Në kohën e drekës çdokush duhet të jetë në shtëpi.
- Nuk ka ushqim në dhoma.
- Nuk duhet vonuar gjumin pas jacisë.
- Përdorimin e teknologjisë informative duhet bërë me orar.
- Prindërit duhet respektuar, duhet ngritur për ta dhe duhet puthur kokën dhe duart.
- Mos përdor kompjuterin ose telefonin kur je në ndejë familjare.
- Mos mungo në darkë.
- Caktoje kohën kur do të merresh me detyrat shkollore dhe përgatitjen e mësimeve.
- Të gjithë janë përgjegjës për të ruajtur shtëpinë dhe pasurinë familjare.
- Mos i kërko shërbimet askujt.
- Familja dhe kërkesat e saj janë para çdokujt dhe para çdo kërkese.
- Mos hy në dhomën e tjetrit pa trokitur dhe pa tu dhënë leja.
Përshtati në shqip:
Sedat ISLAMI
