Hoxhë Sedat Islami

Një djalë i ri kërkoi dorën e një vajze te babai i saj, i cili i premtoi ta martonte me vajzën e tij me kusht që t’i përgjigjej vetëm një pyetje: Në çfarë kohe thirr ezani i sabahut? Djaloshi nuk iu përgjigj. Atëherë babai i tha: Artikulli im ka vlerë ndërsa ti nuk ke shumën e duhur për të.
Bëja shaka me një shok timin. I thashë: Kam fjetur 22 orë. Më tha: pa ngrënë fare?! I thashë tjetrit kështu ndërsa më tha: Pa e falur namazin fare?! Reagimet e tyre flasin për jetën e tyre.
Thotë një i mençur: Mësoja fëmijës Kur’ani, ndërsa Kur’ani i mëson atij çdo gjë.
Si mund t’ia dalësh duke qëndruar i vetëm?- e pyetën një njeri. Tha: Unë e kam shoqërues Allahun e Madhëruar, nëse dua të më flet, lexoj Kur’an, ndërsa nëse dua t’i flas, i fali dy regate.
Optimisti dhe pesimisti, që të dy janë të nevojshëm për shoqërinë. I pari ka zbuluar aeroplanin ndërsa i dyti parashutën.
Nëse thua: Gjysma e shoqërisë janë të këqij, do të hidhërohen të gjithë, ndërsa nëse thua: gjysma e shoqërisë janë të suksesshëm, do të afrohen të gjithë, edhe pse domethënia e të dyja shprehjeve është e njëjtë.
Nëse nuk ke mundësi të lësh lëmoshë rrjedhëse pas vdekjes sate, atëherë kujdes që të mos lësh mëkate rrjedhëse.