SËRISH VJEN HAXHI

Sërish, njerëz nga anët e botës mbarë

Mësyjnë Qabenë, haxhin për të bërë

Të bardhë, të zi, me ngjyra plot

Por që të gjithë, i drejtohen të vetmit Zot

Sërish, telbijet ushtojnë çdo anë

Lebbejk Allahumme lebbejek! – Mekkeja këndon

Nxitoni o haxhilerë, nxitoni

Bejtullahin sa më parë ta vizitoni

Sërish ai ritual i dashur i tavafit

Ecjes ndërmjet safasë dhe mervesë

Prapë ujë zemzemi të ëmbël

Ah, sa lumturi pranë Qabesë të jesh

Sërish, ripërtërihet besimi

Lidhja me Zotin më shumë forcohet

Sërish shehadeti jehon

Uniteti dhe bashkimi dëshmohet

Sërish të vizitohet Arafati

Vendi, ku mëshira zbret

Të ngritën duart lart

Prej Allahut të kërkohet falje e magfiret

Sërish ato kujtime të ëmbla

Ato rrëfime profetësh që inspirojnë

Përjetime të gjalla dhe gjallëruese

Që shpirtin ta freskojnë

O Allah i Madhëruar

Ti që Haxhin obligim ke caktuar

Mos na vdis askënd

Qabenë pa e vizituar