KUR TRUNGU QAU
Isha përplot krenari
Ndihesha shumë krenar
Mbi mua qëndronte një burrë
Pejgamber i madh
Iu fliste njerëzve çdo xhuma
Vaiz e nasihat iu mbante
I këshillonte për dynja e ahiret
Për atë që Allahu kërkonte
Vazhdova kështu me krenari
Para burrave të mëdhenj të qëndroja
Xhuma për xhuma
Besimtarët t’i nderoja
E një ditë prej ditësh
Seç gëzimi mu prish
Erdhi një grua në xhami
Zemra seç mu gris
Kërkoi të më bënte zëvendësim
Gëzimin të ma ndalonte
Kërkoi në vendin tim
Shkallë të reja të punonte
Po përse erdhe moj grua
Ç’deshe, me mua ç’punë pate
Nga Resulullahi të më ndash
A këtë plagë deshe të ma shkaktosh
I sollën shkallët e reja
Në vend timin i venduan
E mua të gjorin
Në një qoshe më larguan
Nuk di, u preva në vend
U shtanga, u shokova
Në jetën time kurrë
Vuajtje të këtillë s’përjetova
Erdhi Resulullahi
Në to hipi për të parën herë
Filloi hutben e xhumasë
Bukur, si përherë
Por unë ç’të bëja i shkreti
Ndarjen se përballoja dot
Fillova t dënes
Dhe të qajë me lot
Dënesa,
Qava me lot shumë
Më dëgjuan të gjithë
E të gjithë u përmalluan
Zbriti ngadalë i dashuri
Mu afrua pranë më ledhatoi
Ah sa të bukura ato duar
Kurrë nuk i harroj
Më ngushëlloi me butësi
Më qetësoi me fjalë
Dëshiron të jesh në Xhennet me mua
Allahu këtë mirësi të ta fal
Po, pajtoj gjithsesi
Dua me ty në Xhennet të jam
Dynjaja është kalimtare
Ditët shpejt të sosur kanë
Sikur Resulullahi të mos më qetësonte
Do të digjesha në xhami
Nuk do të mund të më nxirrnin ndryshe
Vetëm se të shndërruar në hi
Faleminderit o Zot
Që i mëshirshëm me mua u tregove
Faleminderit që në Xhennet
Me të dashurin vend më premtove
