Veddah bin Hadi

بسم الله الرحمن الرحيم

Bismil-lahi-rr-Rrahmani-rr-Rrahim

Çfarë e shtyri AbduRrahman Sumejtin që nga një student në studimet e larta në Britani të kalojë në një thirrës të madh afrikan?

Kur të përmendet Afrika patjetër se do të përmendet edhe mjeku dhe thirrësi i madh, AbduRrahman Sumejti [Allahu e mëshiroftë!]

Çdo vepër ka motivin përkatës, sikur që çdo projekt ka shtytësin-lëvizësin, por cilët janë motivi dhe shtytësi që qëndrojnë prapa një kontributi dhe sakrifice 24 vjeçare në fushën e thirrjes islame në kontinentin e zi?

Çfarë force e madhe mund të qëndrojë prapa një angazhimi, rezultati i të cilit matet me të arriturat në vijim:

• 11 milionë njerëz e kanë pranuar Islamin
• Janë ndërtuar mbi 5000 xhami
• Janë hapur më shumë se 7000 puse
• Janë themeluar 4 universitete dhe mbi 200 qendra islame
• Janë shpërndarë më shumë se 50 milionë kopje të Kur’anit

...dhe një sërë veprash tjera që mbushin një listë të gjatë.

Thotë Sumejti [Allahu e pastë mëshiruar!]:

“Gjatë kohës sa isha në Britani për studimet e larta në mjekësi, gjegjësisht në vitin 1978, dëgjova për një konferencë që mbahej në Kolorado, ku ishin tubuar kokat e të devijuarve nën udhëheqjen e Vatikanit...Morën vendim që duhet të punonin shumë në mënyrë që me të ardhur të vitit 2000, pra pas 22 viteve, Afrika të shndërrohej e tëra në kontinent të krishterë. U zotuan për angazhim dhe përpjekje maksimale. Nuk mund ta përmbaja dot veten, andaj jam kthyer në Kuvajt nga ku në vitin 1981 kam udhëtuar për në Afrikë...”

Që nga ajo kohë, Sumejti [Allahu e pastë mëshiruar!] ngriti flamurin e sfidimit, xhihadit dhe da’ves, që t’i qëndroj përballë Vatikanit, duke ua shkëputur kështu rrugën e realizimit të qëllimeve dhe interesave të tyre.

Allahu e pastër mëshiruar Sumejtin, reagimi i tij ishte si pasojë e komplotit që kishte dëgjuar të thurej për fukaratë e kontinentit të zi. 

A nuk kemi dëgjuar edhe ne për komplote të tilla, që kanë paraprirë dhe që kanë pasuar këtë komplot?!

E vërteta është se dëgjimi dallon nga dëgjimi dhe kjo si shkak i dallimit në vullnet dhe vendosmëri, e i cili, rrjedhimisht, nuk ndodhë ndryshe vetëm se si pasojë e dallimit në forcën shpirtërore dhe në lidhjen për botës tjetër, gjegjësisht besimit në shpërblimet dhe ndëshkimet e saj.

Allahu e pastë mëshiruar Ibn El-Xheuzijj që ka thënë: Njeriu nuk është sprovuar me diç më të madhe se ambicia e lartë.[1]

www.saaid.net