Pyetja: Hoxhë i nderuar, a ka më shumë shpërblim për lexim të Kur’anit, për tesbih apo për dua?

Myftiu: Aid el-Karni

Burimi: www.islamweb. net

Përshtati në shqip: Sedat G. ISLAMI

Data: 5-2-2008, e martë, Vushtrri, Kosovë

Përgjigja: Kjo pyetje ka dy përgjigje: të përgjithshme dhe të veçante. Përgjigja e përgjithshme është se dhikri më i mirë është fjala e Allahut, libri i Tij dhe leximi i fjalës së Tij. Ndërsa detajisht, kjo çështje duhet të gjykohet sipas individëve. Nëse dikush ndihet më i butë, më i përulur dhe më vigjilent në dua e tesbih se sa në lexim të Kur’anit, atëherë ai le ta bëjë këtë, por duhet ta dijë se Kur’ani është dhikri më i mirë. Ekzistojnë kohë dhe forma gjatë lutjeve kur duaja është më me vend se sa leximi i Kur’anit, siç është puna me rukunë dhe sexhde. Madje, leximi i Kur’anit në këto raste është i ndaluar. Pejgamberi, alejhi’s selam ka thënë: “Mua më është ndaluar leximi i Kur’anit në ruku dhe në sexhde. Në ruku madhërojeni Allahun ndërsa në sexhde shpeshtojeni duanë ngase ka shpresa që ajo t’iu plotësohet”.