Pyetja: Hoxhë i nderuar, po më rastisi ta dëgjoj ezanin derisa jam në tualet, a ta përsëris atë pas muezzinit?

Myftiu: Aid el-Karni

Burimi: www.islamweb. net

Përshtati në shqip: Sedat G. ISLAMI

Data: 6-2-2008, e mërkurë, Vushtrri, Kosovë

Përgjigja: Bazuar në tekste fetare, ti mund ta përsërisësh atë por jo me gjuhë, me zemër. Kjo behet për arsye të madhërimit të shenjave të Allahut. Ebu Davudi transmeton se një njeri i kishte dhënë selam Pejgamberit, alejhi’s selam. Meqë ishte pa abdes, ai kishte shkuar tek një mur, kishte marrë tejemmum dhe ia kishte kthyer selamin.

Nëse ti je në tulet, atëherë përsërite vetëm me zemër e kur të dalësh, e përsërit prapë nga aspekti i përsëritjes së veprave fakultative. Pejgamberi, alejhi’s selam përsëriste disa vepra fakultative. Disa dijetarë kur ishin pyetur për harrimin e dhikrit pas namazit, kishin thënë: Le ta përsëris atë. Baza e tërë kësaj është hadithi që Muhammedi, alejhi’s selam pas namazit të ikindisë kishte falur dy rekatet e mbetura të drekës, respektivisht sunnetit pas farzit, dhe kishte thënë: Më pengoi prej saj delegacioni i Abdu’l Kajsit”.