XHABIRI [Allahu qoftë i kënaqur me të!]

Xhabir bin Abdullahu e ka pranuar Islamin duke qenë fëmijë. Ka qenë ndër Sahabet e dalluar për dituri. Imam Dhehebiu e ka cilësuar si ‘Imami i madh.’ Ka transmetuar shumë hadithe sikur që edhe prej tij kanë transmetuar hadithe shumë njerëz. Për vetëm një hadith të Abdullah bin Enesit kishte bërë rrugë deri në Sham. Ka transmetuar gjithsej 1540 hadithe, prej të cilave Buhariu dhe Muslimi janë pajtuar për 18 ndërsa Buhariu është veçuar me 26 sosh kurse Muslimi me 126 sosh.  Ka vdekur në Medinë në vitin 78 sipas hixhretit në moshën 94 vjeçare.