PËRSE NËNA E ISAIT A.S., MERJEMJA, ËSHTË THIRRUR 'MOTRA E HARUNIT'? Në Kur'an, Allahu i madhëruar na tregon se, kur Merjemja e lindi Isain a.s., populli i saj e akuzoi duke i thënë: "Oj motra e Harunit, babai yt nuk ishte njeri i prishur e as nëna jote nuk ka qenë e pamoralshme!" [Merjem, 28] Kush është Haruni i përmendur në këtë ajet? A është ky vëlla i Musait, pra profeti Harun, paqja e Zotit qoftë mbi të dy, apo dikush tjetër? Dijetarët myslimanë kanë dhënë disa shpjegime, si: 1. Haruni ka qenë një burrë i devotshëm në mesin e popullit të Merjemes. Kjo e fundit, për shkak se njihej për përkushtimin në adhurim, përngjasohej me të, pra i thuhej oj e ngjashmja me Harunin në adhurim. 2. Haruni ka qenë një njeri i përdalë dhe i pandershëm në mesin e popullit të Merjemes. Duke qenë se e akuzuar për pandershmëri, e krahasuan me këtë Harunin e përdalë. 3. Merjemja nuk ka qenë fëmija i vetëm në familje. Ajo ka pasur një vëlla me emrin Harun, prandaj është thirrur sipas tij. Pra, nuk bëhet fjalë për Harunin a.s., meqë mes tij dhe Merjemes ishte së paku 1500 vite, por për dikë tjetër. https://www.youtube.com/shorts/Rp4OF8NZvTY