Dëshiron të prekësh majat e krenarisë dhe të arrish pozitat e larta, atëherë mos iu ndaj të mëdhenjve, mendoj atyre që me vullnetin dhe jo fizikun e tyre janë të mëdhenj. Shoqëroji ata që janë “infektuar” me sëmundjen e ambicieve, ndoshta infektohesh dhe ti. Qëndro me ata që kanë shpirt të madh, ndoshta lartësohesh edhe ti, që të shijosh kështu shijen e lartësisë.
Shoqëroji dijetarët, të devotshmit, evliatë, të sinqertit, bashkëngjitju atyre qoftë edhe për pak kohë, ndoshta afërsia ndaj të dashurit të Zotit të afron edhe tek vet Zoti. Mos i shko pas vetëm se atij që të orienton kah Allahu dhe në rrugën që të shpie tek Allahu. Të parët, selefi, arritën pozita të larta, për shkak të shoqërisë së tyre të pastër. Sahihu i Buhariut është rezultat i qëndrimit të autorit, Buhariut, me hoxhën e madh, Imami Ebu Is’hak Rahivejh. Librat e Ibnul Kajjimit janë rezultat i qëndrimit të tij me hoxhën e madh, Ibni Tejmijen.
Kështu janë rezultatet. Sa njeriu i madh, i suksesshëm, i njohur, nuk do të ishte i tillë sikur mos të ishte shkak qëndrimi me njerëz të mëdhenj dhe shoqërimi i tyre.
Andaj, kush dëshiron t’i bashkëngjitet karvanit, le t’iu afrohet të mëdhenjve dhe le të braktisë të vegjlit!
Shoqëroji ata burrat e mëdhenj që janë vigjilentë orë e çast!
Përshtati: Sedat Islami
