Biografia Artikuj Media Libraria Dosje Problematika bashkëkohore Opinione dhe reagime Studime dhe hulumtime Kontakt
  Rri n’shpi, mos i dëmto të tjerët

Rri n’shpi, mos i dëmto të tjerët

 

Thirrjeve të autoriteteve për të qëndruar në shtëpi jo të gjithë i janë përgjigjur sa duhet. Tashmë na është bërë e qartë se mbrojtja nga virusi varet prej nesh: nëse i përmbahemi udhëzimeve për pastërti dhe qëndrim në shtëpi, mund ta kalojmë këtë sfidë me më pak pasoja. Ndryshe, shpërfillja e udhëzimeve duke mos u kujdesur për pastërtinë dhe duke dalë jashtë shtëpisë mund të na kushtojë shumë, jo si individë, por si shoqëri. Virusi mjafton ta godet një njeri e më pas të përhapet.

Këtë çështje pata dëshirë ta trajtojë edhe nga ana fetare. Dëmtimi i të tjerëve duke dëmtuar të tjerët më pas konsiderohet shpërfillje edhe e porosive fetare. Qëndrimi në shtëpi dhe largimi nga çdo gjë që mund t’i dëmtojë të tjerët është këshillë profetike. Madje, ajo trajtohet në një formë tejet interesante. Besimtari me etikë dhe moral të këtillë konsiderohet prej atyre që japin lëmoshë për vetveten.

Në hadithin e shënuar n koleksionet e Buhariut (2518) dhe Muslimi (84, teksti është i Muslimit) qëndron se Ebu Dherri r.a., e paskësh pyetur Muhammedin a.s.:

Cila vepër është më e mira?

Tha: Besimi në Allahun dhe xhihadi në rrugën e Tij!

Cilët skllevër janë më të mirët (për tu liruar)?

Tha: Ata që kanë çmimin më të shtrenjtë dhe që kanë vlerën më të madhe tek pronarët e tyre?

Po çfarë nëse nuk kam mundësi ta bëj këtë?- e pyeta.

Tha: Atëherë ndihmo një zejtar ose puno për dikë që nuk di të punojë!

O i Dërguari i Allahut, po çfarë nëse nuk kam mundësi për disa punë?- e pyeta.

Tha:  

تَكُفُّ شَرَّكَ عَنِ النَّاسِ فإنَّها صَدَقَةٌ مِنْكَ علَى نَفْسِكَ

Mos ju bëj keq njerëzve sepse kjo është lëmoshë e jotja për veten tënde.”

Pra, pamundësia për të bërë mirë, kërkon detyrimisht shmangien e çfarëdo veprimi që mund t’i dëmtojë njerëzit. Braktisja e të keqes të këtë hadith, siç kanë thënë dijetarët, nënkupton çdo të keqe fjalë apo vepër qoftë.

Përkthyer me gjuhën e gjendjes aktuale: Nëse nuk je jashtë në detyrë për të shëruar të prekurit ose për të kontribuar në parandalimin e kësaj sëmundje, atëherë kursejnë njerëzit nga të këqijat: mos dil, sepse dalja nuk të dëmton vetëm ty por edhe të tjerët.    

Siç kanë shpjeguar dijetarët, kjo është më e pakta që mund të bëjmë për shoqërinë, pra t’i kursejmë nga dëmtimi. Ndryshe, nëse i dëmton njerëzit, atëherë ti ngarkohesh me mëkate, dhe kështu e dëmton edhe veten tënde.

Allahu xh.sh., na mundësoftë ta kalojmë bashkërisht lehtë e më lehtë këtë fatkeqësi!

  Sprovat, urtësi dhe mësime

Falënderimi i takon Zotit të  botëve, Atë e madhëron dhe falënderon  çfarë ka tokë e në qiej , Atij i takon sundimi e Madhëria , vetëm Atij i përkulemi dhe vetëm prej Tij  falje e magfiret kërkojmë.

Salatet e selamet tona qofshin për më të mirin e njerëzisë ,Zotëriun e të gjitha krijesave, të dashurin e Perëndisë , Vulën e gjithë Pejgamberisë, hazreti Muhamed Mustafanë , familjen e tij të pastër e fisnike e shokët e tij besnik .

Të nderuar vëllezër besimtarë!

Është kjo xhumaja jonë e parë, pas një shkëputjeje kohore  prej dhjetë javësh, për shkak të rrezikut të shfaqur nga  virusi COVID-19 I cili arrit ne shkallë të pandemisë globale,   andaj  sot themi me gjithë shpirt e më zemër dhe me  gojën plot themi  elhamdulilah , falënderojmë Zotin fuqiplotë që na mundësoi t’i kthehemi shtëpive të Zotit dhe ti kthehemi normalitetit dalëngadalë .

Xhemat i nderuar!

Për ne, si besimtarë, sprovat kanë kuptim të veçantë. Ato janë momente reflektimi e vet llogaritje .

Allahu i madhëruar na ka paralajmëruar  në Kuranin fisnik se gjatë jetës tonë Zoti i plotfuqishëm  do të na vërë nëpër sprova nga me te ndryshmet, Ai na ka thënë:

“Gjithsesi do t’ju vëmë nëpër sprova me frikë e uri, me humbje të pasurisë e humbje jetësh dhe begative , por ti (o Muhamed )përgëzoji durimtarët.

Sprovat duhet të na shërbejnë si momente reflektimi, jo shkëputjeje e dëshpërimi Ne besimtarët, nuk guxojmë te humbim besimin në shpresën dhe ndihmën e Zotit pavarësisht sprovave dhe vështirësisë së tyre, sepse kemi bindjen e thelle ne fajlet e pejgamberit a.s i cili na mëson : se besimtari ne sprova e sëmundje

–           pastrohet nga mëkatet; dhe besojmë fuqishëm dhe pa asnjë mëdyshje ne fjalën e Zotit fuqiplotë i cili ne librin e tij Fisnik  Kuran na premton dhe fjala e Tij është Hak kur thotë ne Kuran ” se me të vërtetë pas vështirësisë vjen lehtësimi” dhe se pas përmirësimit vjen mirëqenia .

–           Këto dimensione fetare sprovën e shndërrojnë në moment reflektimi e përfitimi për besimtarin. Jo vetëm durimi  por edhe mundësitë për reflektim personal e familjar.

Allahu deshi që kjo sprovë e madhe të jetë në muajin e Ramazanit, agjërimi si ibadet ci lini na mëson sakrificën dhe solidaritetin ne rend të parë na kalit edhe me tepër durimin dhe qëndrueshmërinë, prandaj  ishte një lehtësim shumë i madh për ne që këtë sprovë ta kalojmë më lehtë përmes mësimeve dhe përfitimeve që na sjellë ramazan. Vlerësimet e pothuajse çdo besimtari se ‘Ramazan më të lehtë nuk kemi përjetuar që moti’ janë dëshmia më e mirë për mirësinë e Zotit gjatë kësaj sprove.

–           Pandemia nuk na ktheu në pikën zero por në rrënjë, në bazë, në vendin ku gjejmë prehjen shpirtërore më të madhe, në familje.

Ndonjëherë obligimet dhe dinamika e  jetës na pamundësojnë që t’i përkushtohemi familjes, kështu që kjo sprovë na kompensoi humbjen me dashurinë dhe ngrohtësinë familjare  sikur edhe Na ktheu tek përgjegjësia më e madhe shoqërore.

–           Kjo Sprovë na bëri më solidarë se kurrë më parë. Ndihmuam dhe ngushëlluam njëri-tjetrin me aq sa patëm mundësi. Kjo ka rëndësinë e vet pasi vepra e mirë dhe solidariteti  konsiderohet treguesi më i mirë  i kthimit kah Allahu, është tregues pendimi, dhe rrjedhimisht është shenjë e parë e largimit të sprovës.

Vëllezër të nderuar!

Kjo sprovë na ka dhënë edhe dy mësime, pa të cilat jeta shoqërore nuk mund të funksionojë natyrshëm. Është fjala për konceptin e lirisë së veprimit, i cili nuk është i pakufizuar. A nuk kemi me qindra shembuj se si virusi u shpërnda thjesht për shkak të shpërfilljes së përgjegjësisë. Nga perspektiva fetare, moskushtëzimi i lirive nënkupton ekspozimin e shoqërisë para shkatërrimit të përgjithshëm. Pejgamberi a.s., ka marrë shembull anijen, në të cilën, nëse i lihet mundësia dikujt të bëjë ndonjë vrimë në të, atëherë do të fundosen të gjithë. Me fjalë të tjera, nëse ne lejojmë njerëzit që, duke u mbështetur në liritë personale të veprojnë çfarë të duan, do të shkatërrohemi të gjithë.

Mësimi tjetër ka të bëjë me respektimin e autoriteteve. Po të mos respektonim masat e ndërmarra nga autoritetet tona fetare dhe ato shtetërore, gjendja do të ishte shumë më keq. Për këtë shkak, Kurani na mëson që qendrës vendimmarrëse t’i drejtohemi dhe ta respektojmë, veçmas në momente të vështira .

Të dashur vëllezër!

Ne ende jemi duke u ballafaquar me këtë sprovë dhe këtyre mësimeve që fillimisht kemi marrë prej saj duhet t’u kushtojmë rëndësi maksimale edhe më tej. Edhe më tej na duhet t’i respektojmë masat, t’u referohemi autoriteteve tona dhe të respektojmë vendimet e tyre, të tregojmë solidaritet e humanizëm, ta këshillojmë njëri-tjetrin dhe të urdhërojmë për të mirë e kundër së keqes.

Kështu, me ndihmën e Allahut xh.sh., do t’ia dalim!








-----------------------------

Hutbe e publikuar nga Kryesia e BIRK (https://bislame.net/sprovat-urtesi-dhe-mesime/)

  Urim me rastin e ardhjes së muajit të Ramazanit
Vëllezër dhe motra, 
 
Me rastin e ardhjes së muajit të bekuar të #Ramazanit, unë dhe familja ime ju urojmë që të keni agjërim të lehtë dhe të pranuar. Qofshin dyert e Xhennetit përherë të hapura për ne, qofshim përherë të ruajtur nga të ligat e të këqijat, qofshim përherë të mbuluar nga mëshira dhe mirësitë e Allahut! 
Lutjet në Ramazan janë të veçanta, me mundësi shumë më të madhe pranimi, andaj mos të harrojmë të lutemi që Allahu të na mbrojë neve dhe popullin tonë nga kjo fatkeqësi që na ka kapluar!
 
Sinqerisht, 
Dr. Sedat Islami

  Rri n’shpi, mos i dëmto të tjerët

Rri n’shpi, mos i dëmto të tjerët

 

Thirrjeve të autoriteteve për të qëndruar në shtëpi jo të gjithë i janë përgjigjur sa duhet. Tashmë na është bërë e qartë se mbrojtja nga virusi varet prej nesh: nëse i përmbahemi udhëzimeve për pastërti dhe qëndrim në shtëpi, mund ta kalojmë këtë sfidë me më pak pasoja. Ndryshe, shpërfillja e udhëzimeve duke mos u kujdesur për pastërtinë dhe duke dalë jashtë shtëpisë mund të na kushtojë shumë, jo si individë, por si shoqëri. Virusi mjafton ta godet një njeri e më pas të përhapet.

Këtë çështje pata dëshirë ta trajtojë edhe nga ana fetare. Dëmtimi i të tjerëve duke dëmtuar të tjerët më pas konsiderohet shpërfillje edhe e porosive fetare. Qëndrimi në shtëpi dhe largimi nga çdo gjë që mund t’i dëmtojë të tjerët është këshillë profetike. Madje, ajo trajtohet në një formë tejet interesante. Besimtari me etikë dhe moral të këtillë konsiderohet prej atyre që japin lëmoshë për vetveten.

Në hadithin e shënuar n koleksionet e Buhariut (2518) dhe Muslimi (84, teksti është i Muslimit) qëndron se Ebu Dherri r.a., e paskësh pyetur Muhammedin a.s.:

Cila vepër është më e mira?

Tha: Besimi në Allahun dhe xhihadi në rrugën e Tij!

Cilët skllevër janë më të mirët (për tu liruar)?

Tha: Ata që kanë çmimin më të shtrenjtë dhe që kanë vlerën më të madhe tek pronarët e tyre?

Po çfarë nëse nuk kam mundësi ta bëj këtë?- e pyeta.

Tha: Atëherë ndihmo një zejtar ose puno për dikë që nuk di të punojë!

O i Dërguari i Allahut, po çfarë nëse nuk kam mundësi për disa punë?- e pyeta.

Tha:  

تَكُفُّ شَرَّكَ عَنِ النَّاسِ فإنَّها صَدَقَةٌ مِنْكَ علَى نَفْسِكَ

Mos ju bëj keq njerëzve sepse kjo është lëmoshë e jotja për veten tënde.”

Pra, pamundësia për të bërë mirë, kërkon detyrimisht shmangien e çfarëdo veprimi që mund t’i dëmtojë njerëzit. Braktisja e të keqes të këtë hadith, siç kanë thënë dijetarët, nënkupton çdo të keqe fjalë apo vepër qoftë.

Përkthyer me gjuhën e gjendjes aktuale: Nëse nuk je jashtë në detyrë për të shëruar të prekurit ose për të kontribuar në parandalimin e kësaj sëmundje, atëherë kursejnë njerëzit nga të këqijat: mos dil, sepse dalja nuk të dëmton vetëm ty por edhe të tjerët.    

Siç kanë shpjeguar dijetarët, kjo është më e pakta që mund të bëjmë për shoqërinë, pra t’i kursejmë nga dëmtimi. Ndryshe, nëse i dëmton njerëzit, atëherë ti ngarkohesh me mëkate, dhe kështu e dëmton edhe veten tënde.

Allahu xh.sh., na mundësoftë ta kalojmë bashkërisht lehtë e më lehtë këtë fatkeqësi!

  SI TË MBROHEMI NGA VIRUSI KORONA?

(Hutbeja që sot më 13 mars 2020, me rekomandim të Myftiut Tërnava, është mbajtur në të gjitha xhamitë e Kosovës)

Të dashur vëllezër besimtarë!

Të gjithë jemi në dijeni për gjendjen e krijuar pas shpalljes së virusit korona pandemi nga Organizata Botërore e Shëndetësisë dhe masat e marra nga qeveria e shtetit tonë për të parandaluar përhapjen e tij në mesin tonë.

Me rekomandim të Kryesisë së Bashkësisë Islame të Kosovës, respektivisht të Myftiut Tërnava, edhe ne sot, në të gjitha xhamitë e Kosovës, do ta trajtojmë këtë çështje.

 

Të respektuar vëllezër!

Pastërtia është një nga hapat më të rëndësishëm për ta sfiduar këtë pandemi. Përkujdesja për higjienën personale, familjare dhe kolektive është masë që duhet ndërmarrë paraprakisht. Nga perspektiva jonë islame, ky hap nuk është thjesht praktikë e jona ditore, por është edhe fe. Ne, nga momenti që zgjohemi e deri në momentin kur shkojmë të flemë, kemi punë me pastërti. E fillojmë ditën me abdes për namaz (faljen e sabahut), e mbarojmë po kështu me abdes për namaz (faljen e vitrit). Nga kjo perspektivë, Islami e konsideron pastërtinë gjysmën e besimit, dhe jo vetëm. Përderisa pastërtia ndikon në mbarëvajtjen e rregullt të jetës fizike dhe shpirtërore,  atëherë Allahu xh.sh., ata që janë të pastër fizikisht e shpirtërisht i ka dalluar si robër të cilët i do. 

﴿إِنَّ اللَّـهَ يُحِبُّ التَّوَّابِينَ وَيُحِبُّ الْمُتَطَهِّرِينَ﴾

“...Allahu me të vërtetë i do ata që pendohen dhe i do ata që pastrohen.” [Bekare: 222]

Ky ajet kur’anor, siç shpjegojnë dijetarët përfshin pastërtinë shpirtërore dhe fizike, pra pastrimin nga mëkatet dhe nga ndyrësirat. Ai është argument për pastrimin në përgjithësi pasi që Allahu i do ata që janë të dalluar për pastërti (Tefsir es-Sa’di: 114).

 

Të nderuar vëllezër!

Parimisht, disa dijetarë kanë thënë se “Nëse shkenca moderne ka arritur të zbulojë metoda të parandalimit të sëmundjeve, atëherë aplikimi i tyre nga aspekti i të drejtës fetare është i obliguar.”

Edhe ne, si besimtarë, e kemi për detyrë që, masat që na përshkruhen nga organizatat shëndetësore, në këtë rast ministria jonë e shëndetësisë, t’i përfillim, për shkak të rëndësisë që kanë në parandalimin e përhapjes së kësaj pandemie dhe për shkak se nuk bien ndesh me fenë tonë.

Në këtë hutbe, ne vetëm do t’ua rikujtojmë disa masa që duhet ndërmarrë nga ana fetare:

  1. Përkujdesja për higjienën individuale, e cila përfshin pastrimin e trupit, pastrimin e gojës dhe hundës, prerjen e thonjve. Kjo e fundit bile konsiderohet imazh i natyrshmërisë tek njeriu [Pesë gjëra i përkasin natyrshmërisë –: në mesin e tyre përmend edhe prerjen e thonjve. Buhariu]. Pra, jo që nuk është fetar të kesh thonjtë e paprerë, por nuk është as njerëzore. Zbulimet shkencore për rreziqet që thonjtë e paprerë përmbajnë vetëm sa e kanë konfirmuar këtë të vërtetë islame. Natyrisht, këtu hyn edhe pastërtia e ambientit. Thirrjet për dezinfektim përputhen plotësisht me thirrjen e përgjithshme të Islamit për të mbajtur ambientin pastër.  
  2. Përkujdesjen për ushqimin, respektivisht ngrënien e ushqimeve të shëndetshme dhe largimin nga ushqimet që mund t’i jenë ekspozuar viruseve në një ose formë tjetër ose që mund të krijojnë ambient të përshtatshëm për të.
  3. Largimin nga të infektuarit. Është porosi fetare që, për të shmangur përhapjen e një sëmundje, të infektuarit të mos shkojnë tek të shëndoshët. Pejgamberi Muhammed a.s., ka thënë: “Një i sëmurë (me sëmundje ngjitëse) le të mos shkojë tek një i shëndoshë.” [Muslimi]
  4. Kujdesin për të mos krijuar panik, respektivisht për të mos shpërndarë lajme të pakonfirmuara sepse pasojat e tyre janë të mëdha. Në njërën anë qytetarët mbërthehen nga frika, në anën tjetër njerëzit me ndërgjegje të ulët mundohen të përfitojnë, siç veç e pamë.
  5. Shmangien e tubimeve publike përveç në rastet kur kjo është e domosdoshme. Namazi i xhumasë do të vazhdojë të falet përderisa gjendja të mbetet nën kontroll. 
  6. Lutja dhe përkushtimi shpirtëror sepse, siç na ka mësuar Muhammedi a.s., lutja, o e largon një bela tërësisht, o e lehtëson deri në atë masë që të mos ketë rrezik prej saj.  [Sahih et-Tergib, 1639]

 

 

O Allahu ynë!

Të lusim ta ruash vendin dhe popullin tonë nga kjo sëmundje që është përhapur gjithandej nëpër botë. Na ruaj nga fatkeqësitë dhe sëmundjet të cilat nuk kemi mundësi t’i largojmë! Na ruaj dhe na mbro nga çdo e keqe që mund të na godet!

VIDEOS / YOUTUBE
Etika e duase Rendesia e duase Vlera e duase Duaja e Ademit a.s.
AUDIO / FOTO

Biografia Artikuj Media Libraria Dosje Problematika
bashkëkohore
Opinione dhe
reagime
Studime dhe
hulumtime
Kontakt
  Akide Video Libra Ramazani   Opinione Fetare  
  Islam Audio Recensione librash Haxhi   Reagime Shkencore  
  Tefsir Foto            
  Hadith              
  Dave              
  Histori islame              
  Orientalizem              
  Kulture dhe civilizim              
  Avancim personal              
  Hutbe              
  Tregime              

Të gjitha të drejtat e rezervuara - 2013